ORANJESTAD (AAN): Fundador ta Rev. Pastor Feliz Pasadilla en felis memoria. Tur prome diasabra di luna pa 7 or am.
Ta celebra Santa Misa, y 6.15 tempran ta cuminsa resa e Santo Rosario. Como Alto Vista ta e cuna di resa rosario. Mama Maria ta Patrona y protectora di Aruba.
Comienso di celebracion: Celebrante Rev. P. Feliz Pasadilla. Lector y cuido pa altar ta Jufr. Manie y Chichi en felis memoria. Legion di Maria ta resa Santo Rosario prome cu e misa. Pastornan cu a concelebra Santo Sacrificio di misa Rev, P. Fuentebella, Rev. P. Efrain Naño den felis memoria. Rev. P. Rey Nares, Rev. P. Hercules Samboyan. Rev. P. Andy Soto, Rev. P. Jairo Maduro, Rev. P. Jose Nava Y Rev. P, Juancho Pilongo.
Despues cu Jufr Manie y Chichi y Mario cu a percura pa tur necesidad pa e Santo Sacrificiio di misa. Jufr Manie y Chichi a tuma nan retiro despues, pa nan edad avansa. Mario a sigui cu e trabao y Olinda a tuma e alta over y resamento di Santo Rosario prome cu cu Santa Misa. Soeur Judith a percura pa tur nesesidad pa pastor por celebra. Awor Ina ta percura pa altar y Sita ta percura pa resa Santa Rosario.
Tur hende cu ta asisti na e Santa Misa ta di diferente parokia. Henter Aruba ta asisti na eOra salem cu ta na Alto Vista pa resa pa nan defuntonan y esnan cu ta den kiebrante di salud y otronan cu ta den exterior. Cu Dios bendiciona tur hende cu ta bishita Kapel di Alto Vista. Lugar di oracion y di yora nos dolornan. Leu di boroto di mundo, aki tin e trankilidad den oranan trempan y atardinan ora cu solo baha riba e dia di pisa.
Laga cu e luga aki keda cu e santidad cu a cuminsa cu bon intencion.
