ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di 4 cifra, y bo ta agrega un signo zodiacal y ya bo ta den wega.
Esey ta loke Cecilia a haci tambe, y el a gana! Pesey riba Dialuna el a presenta na oficina di Lotto na Playa pa reclama su premio. Aki e trahadornan mesora a check si el firma su ticket, y despues a scan e barcode.
E computer di Lotto a indica inmediatamente cu el a gana 26.250 Florin cu wega di Zodiac Merdia.
Mesora a cuminza cu e proceso di transferi su premio electronicamente pa su cuenta bancario.
Cecilia a splica cu e ticket ganador el a cumpra na Lucky Numbers Sasaki.
