ORANJESTAD (AAN): Desde Diabierna cu a pasa, e caya di Zandstraat a cambia di nomber.
Ministro President Mike Eman hunto cu Frank Tieleman (comerciante), y tambe Zayron Joseph Wever y demas famia, a inaugura Caya Zepp Wever.
Di e forma ey a recorda un gran persona, esta Zepp Wever kende den e mesun caya ey tabatin su funeraria, y tambe su soda-fountain cu tabata hopi conoci den decadanan di 1960, 1970 y 1980.
Zepp Wever mes a fayece na December 1995.
