ORANJESTAD (AAN): Na luna di Juni venidero, Caribbean Accounting & Tax Consultants (CATC) ta celebra orguyosamente tres decada di excelencia den e ramo di contabilidad y servicio fiscal.
Den cuadro di e celebracion aki, CATC a tuma un decision pa haci un donacion substancial pa sostene esnan mas vulnerabel den nos comunidad. For di su establecimento na 1994, CATC semper a pone enfasis riba responsabilidad social y compromiso cu comunidad. Cu aniversario aki ta presenta un oportunidad pa reafirma e balornan aki door di duna back na sociedad den un manera mas impactante.
Reint Roossien, socio-fundador di CATC aki a declara: “Nos ta sumamente orguyoso di alcanza e lustro significante aki, y nos ta kere cu ta importante pa celebra esaki door di duna back na comunidad y particularmente esnan den necesidad.”
“Nos decision pa evita un celebracion tradicional na fabor di e donacion aki ta refleha nos compromiso pa haci un diferencia positivo den e bida di otro."
Fundacion Pa Nos Comunidad (FPNC) bou di e liderazgo dinamico di Gianaika van der Biezen, ta yudando famianan den necesidad desde 2009. Actualmente, FPNC, cu un team di 40 voluntario, ta yudando 350 famia pa luna cu macuto di cuminda y ta depende completamente di donacion pa cu su operacion.”
