ORANJESTAD (AAN): Bon noticia a drenta, cu Bucuti y Tara Beach Resort a bolbe haya tremendo score den su recien audit di Green Globe.
E prome y unico hotel certifica carbon-neutral a demostra un compromiso firme cu responsabilidad ambiental y social, ganando pa decadanan premio pa su dedicacion na sostenibilidad, cu recientemente a inclui un aparicion na conferencia global encuanto cambio di clima di Nacionnan Uni, esta COP28.
E Standard Internacional pa Turismo Sostenibel di Green Globe ta dedica na industria di biahe y turismo, su comunidad y stakeholdernan. E Standard ta reconoci pa Conseho Global di Turismo Sostenibel (Global Sustainable Tourism Council) y Green Globe ta un Miembro Afilia di United Nations World Tourism Organization (UNWTO), cu frecuentemente ta haci un yamado na Bucuti & Tara, un miembro Platina di Green Globe, como un ‘faro’ pa su programa di sostenibilidad “altamente reproducible y expansible”.
E certificacion di Green Globe ta un programa reconoci mundialmente cu ta evalua prestacion den sostenibilidad di empresa di biahe y turismo. Su acercamento holistico ta honra hende, lugar y prosperidad pa tur. Bucuti & Tara su score perfecto di 100% ta refleha nan iniciativanan integral y nan esfuersonan continuo pa minimalisa nan impacto ambiental mientras ta fomenta contribucion social positivo.
Ganando e mas reciente score perfecto, logronan notable den e ultimo aña a inclui nan meta pa conserva naturalesa, y a planta 650 mata endemico. Tambe ta traha pa bienestar di empleado y prestamo berde. Nan ta ofreciendo sistema solar na hogar di empleado na un tarifa reduci y proveendo opcionalmente prestamo berdedi interes abao pa material manera vehiculo electrico, esaki ta extende e compromiso cu sostenibilidad fuera di e resort mes.
Tambe nan a expande e sistema solar ‘on-grid’. E resort a aumenta capacidad di su sistema solar conecta cu red (‘on-grid’) cu 30kWp y ta trahando activamente den direccion di hiba parti di e edificio di Bucuti operando separa di e red publico.
Promoviendo transporte pa trabao sostenibel. E instalacion di charger pa Vehiculo Electrico liber pa uza pa empleado tin como obhetivo encurasha transporte pa trabao sostenibel y reduci e costo general di bida pa empleado.
Mehora eficiencia tambe na Bucuti & Tara a mehora medida pa uzo di electricidad y awa, logrando conocimento valioso pa mehora eficiencia. A instala 12 aparato solar di awa cayente, bahando uzo di gas cu 50 pa 60%. Pa despues elimina e uzo di gas cu a keda, a instala dos aparato di awa cayente a base di ‘heat pump’ reemplasando aparato di awa cayente standard a base di propano.
Tambe t atraha riba terminacion gradual (phase-out) di combustibel fosil. A tuma paso significante pa termina gradualmente uzo di combustibel fosil, incluyendo elimina combustibel fosil den 60% di e cambernan di e resort, reemplasando luz di parking lot cu luz LED solar, y logrando recertificacion pa LEED y Travelife.
Cu vista riba 2024, Bucuti & Tara ta continua buscando logro di nan meta di ‘Net Zero’ cu mas iniciativa na caminda caba.
