ORANJESTAD (AAN): Informacion for di Rotterdam ta indica cu e siman aki, den e corant ‘De Havenloods’ di Hulanda,
a sali un propaganda di henter pagina di Fundacion Laurens, cu un imagen grandi di e hoben Giovanni Nuñez.
Su potret a wordo escogi pa carga e campaña nobo cu e fundacion ta hibando awor na Hulanda, y esaki a sali masha grandi mes den corant.
E ta sigur un gran logro pa Giovanni, y su amigonan na Hulanda y tambe na Aruba ta hopi contento y orguyoso di dje. E ta manera Giovanni mes a bisa: “Rubiano sacando cara”.
DIARIO tambe ta felicita Giovanni cu e logro aki, y esaki sigur lo sigui habri porta mas p’e na tera frieu.
