SANTO DOMINGO: Un aumento den e casonan di pashent cu Covid-19 hospitaliza a wordo registra e siman aki na Republica Dominicana, ora cu a mustra cu 448 pashent a wordo hosptaliza, cu ta 13 mas cu e dia prome.
E aumento a nifica tambe cu e cantidad di pashentnan den Intensive Care Unit, cu tabata 156 persona un dia prome, a subi awor pa 169 persona. Pues awor e ocupacion den ICU ta na 28%.
E cantidad di pashent cu ta poni na machine di ventilador, a subi di 91 pashent awor pa 98 pashent. Pues nan ta ocupando 19% di e ventiladornan disponible na e pais.
Gobierno no a anuncia nada si acaso nan lo bin cu medida nobo, pero hecho ta cu tur dia tin mas y mas persona cu ta sali positivo pa Covid-19. Aworaki na e pais tin 4.779 persona activo cu e virus.
