ORANJESTAD (AAN): Un di e popular weganan di Lotto keto bay ta esun di Zodiac.
Aki bo ta escoge un number consistiendo di cuatro cifra, y bo ta agrega bo signo zodiacal na dje y cla bo ta pa bay den wega.
Esey ta loke Candida a haci, y el a gana tambe! Pesey riba Diabierna el a presenta na oficina di Lotto pa reclama su premio.
Despues di a controla su ticket si acaso e tin firma y tambe numbernan bancario poni riba dje, a scan e barcode y e computer a confirma cu Candida a gana 25.000 Florin cu wega di Zodiac.
Asina a start e proceso pa transferi e premio electronicamente pa su cuenta di banco. Candida mes a indica cu e ticket ganador el a cumpra na JR-1 Lottery.
