Pa elabora riba e Reforma Fiscal cu gobierno kier introduci:
ORANJESTAD (AAN) – mr. Monica Kock, Presidente di Camara di Comercio y Industria di Aruba (KvK), a yama un conferencia di prensa Dialuna, den cual a duna di conoce cu KvK ta bay organiza un 'Town Hall Meeting', tocante e tema 'Tax Reform' (reforma fiscal).
Monica Kock a reitera cu gobierno ta bezig cu un reforma fiscal y un BTW y hopi cambio mas. KvK a trece su puntonan dilanti pa Gobierno, varios biaha, indicando cu cierto cosnan por tin efecto riba Aruba su economia; y economia di Aruba ta e fundeshi di tur cos cu ta draai, esta tur hende cu tin trabao y gobierno su entradanan.
E 'Town Hall Meeting' aki lo tuma lugar Diahuebs proximo, 2 di Juni di 6.30 pa 8.30 pm, na KvK mes. E reunion aki ta encera cu KvK kier mira tur hende den comercio pa ta presente. Mester registra pa participa, y ta pidi pa nan trece nan preocupacionnan padilanti, y preguntanan cu nan tin.
Kock a indica cu KvK a haci esaki caba den pasado pa cu ROP unda nan a haya hopi informacion di comercio. Awo nan kier sa kico e problemanan di comercio por ta relaciona cu e “Tax reform” aki.
Monica Kock a expresa cu tur hende ta bon bini, incluyendo prensa, ma e 'Town Hall Meeting' aki. Tur cu tin preocupacion y ta mira consecuencia den cu e reforma fiscal ta bon bini.
E puntonan cu lo trata durante e encuentro aki ta poni riba KvK su website, hunto cu e invitacion, y tambe nan a cuminza pone diferente informacion riba e website pa tur hende den comercio y tur otro interesado por wak kico e cambionan ta bay ta, y e consecuencianan di e 'Tax Reform' aki.
Aunke e ta varia, y no ta definitivo ainda, pero e motibo ta cu KvK mester pone den conhunto, e consecuencianan, pa gobierno ta na haltura prome cu gobierno pasa e ley aki. Asina Presidente di KvK, mr. Monica Kock a splica.
