ORANJESTAD (AAN): Si abo ta un persona cu ta ofreciendo un servicio of producto, or bo ta planea pa start cu un negoshi den futuro cercano...
Corda cu registra un negoshi na Aruba ta obliga door di ley. Ademas di cumpli cu rekesitonan legal, ora di registra bo negoshi cu Camara di Comercio, nan ta ofrece bo varios beneficio y ta yudabo cumpli cu otro obligacionnan, manera paga belasting.
Hopi biaha, e temor di formaliza un negoshi ta bin for di un falta di conocemento y informacion. Pues pesey no laga esaki bira un obstaculo.
Como parti di e campaña “Di Informal pa Formal” di Camara di Comercio, nan ta bay ofrece un sesion di informacion unda nan lo splica e pasonan pa formaliza bo negoshi, hunto cu informacion basico encuanto impuesto.
Bo tin di registra prome pa e sesion gratis aki na e website aki:
E sesion informativo lo ta Diaranson 11 di November 2026 for di 5:00 pm te cu 7:30 pm, y lo wordo duna den e Auditorio di Camara di Comercio situa na Irausquin Boulevard 10. Oradornan o ta Sue-Ellen de Freitas Sousa y Stacy Koolman.
