ORANJESTAD (AAN)-- Maikel Gomes, Relacionista Publico di Bureau City Inspector, ta reitera un peticion cu tur aña e ta haci, durante e temporada di campamento.
Esaki ta recorda esnan cu ta campa pa no corta e mangrovernan. Nan por corta masha poco pero no hopi, no benta nan abao, ni zagnan.
Esaki eigenlijk, ta cay bao di DNM, pero señor Gomes ta trece esaki dilanti, pa recorda pueblo esaki. DOW ta encarga cu loke ta limpieza, y KPA cu eherce control, durante e campamento.
Señor Gomes a comenta cu siman pasa cu City Inspector a sinta den reunion cu KPA y otro instancianan di gobierno, tocante campamento, a trata e tema di sushi cu ta wordo tira den lama. Tabata presente tambe e team di polis maritimo, cu a trece dilanti cu nan lo zorg pa ta mas cerca posible di beach, pa evita cualkier peliger, evita cu e sea doo nan yega cerca di e beach pasobra nan ta stroba esnan cu ta baña, y esnan cu ta den cercania na costa. El a remarca cu control ta keda den man di polis, pero durante dia City Inspector ta pasa pa controla si tin algo urgente of un problema grave.
