ORANJESTAD (AAN): Vocero di Bureau City Inspector (BCI), Robby Rosel a splica den entrevista cu DIARIO tin un 'team; hopi chikito ainda caminda cu nan ta bay ta haciendo e trabaonan conhuntamente cu tur otro departamento cu ta cay bao di Ministerio di Medio Ambiente.
El a agrega cu BCI ta bay ta encarga cu
e parti di sushedad. Rond di Aruba nan ta bay ta encarga cu esaki. Nan a haya 6 ploeg caba cu a drenta den servicio dia 3 di Januari. Nan ta bay ta yudando den loke ta recoge sushedad rond di Aruba.
Rosel a sigui bisa cu Cuerpo Policial ta bay ta encarga cu tur locual ta e criaderonan di bestianan cu ta cabrito, carne y tambe cacho. Tambe e criadero di sangura ta cay bao di Gele Koorts Muskieten Bestrijding y tambe Departamento di Salud (DVG).
Loke ta 'oil-spill' ta bay cay bao di Directie Natuur en Milieu (DNM). Posnan di cas ta cay bao di BCI y tambe DVG. E negoshinan lo cay bao di DNM. Garashinan ilegal, tuberianan di awa cu ta kibra tambe ta resorta bao di DNM.
Robby Rosel a indica cu asfalt ta cay bao di DOW. Gas cu ta liek cu ta core na cas ta bay pa DVG y BCI.
Esakinan ta bay ta e tareanan cu ta bay tin pa cada un di e departamentonan cu lo bay ta trahando conhuntamente cu BCI.
Bureau City Inspector tambe ta bay ta encarga cu Fixi, cual ta un sistema nobo cu a wordo introduci pa ministerio. Esaki cualkier persona na Aruba lo por haci uzo di dje cu kier trece dilanti nan reclamo.
Solamente mester subi riba e App di Fixi y manda potret of reclamo pa locual ta sushedad, azeta, tera, bestia, trucknan, mata, beerput, etc. BCI lo reparti e trabao cu drenta via Fixi na cada departamento. Tambe por yama na BCI riba 582-9777, Rosel a duna di conoce.
