ORANJESTAD (AAN): Un vehiculo 4x4 di De Palm Tours Aruba, recien a yega na sede di Sgt. Pepper’s Friends, caminda tin hopi cacho ta ricibi amor y cariño.
E empleadonan progresivo di De Palm Tours a yega cu un donacion, pa asina sigui sostene e organizacion di Sgt. Pepper’s Friends. Nan ta rescata y cuida cacho- y pushinan bandona y neglisha. E trabao aki ta alinea perfectamente cu un di e prioridadnan cu e fundacion interno di e compania, esta ‘The Giving Palm’, cu ta kere firmemente den e envolvimento solido di cuido pa animal.
Cu e donacion aki, nan ta spera cu Sgt. Pepper’s Friends por sigui suministra cuido medico esencial, shelternan safe, y cas pa yuda mehora e bida di e animalnan aki.
Aki por mira momento cu e donacion a ser haci, y sigur un palabra di pabien na De Palm Tours pa e bunita gesto, y na Sgt. Pepper’s Friends pa e bon trabao.