ORANJESTAD (AAN): Diaranson mainta, Ministro demisionario Ursell Arends a reuni cu Diputado Nina Den Heyer di Bonaire unda a toca diferente punto di atencion cu e Isla di Flamingo ta sondeando solucion ariba.
E temanan cu a enfoca ariba durante e reunion ta Adulto Mayor y Dump. Na final di dia loke ta pusha progreso y cambio ta boluntad politico di berdad pa atende cu problemanan di decadanan largo.
Desperdicio y Adulto Mayor ta dos tema cu durante Gobernacion 2021- 2024 a demostra prioridad pa cu esaki y nan a gradici e delegacion di Bonaire pa sinta cu nos riba e dos tema importante aki.
Mas contexto: Na 2022 a comunica cu mayoria di candela riba dump di Parkietenbos tabata wordo sendi intencionalmente. Esaki por ta simplemente di mala fe individual of pa pusha metanan politico. Te asta un investigacion a demostra esaki ora Minister Arends a haci denuncia cu prueba.
E mesun problema aki Bonaire tambe ta enfrentando mirando cu diamars anochi ultimo nan a bolbe enfrenta cu un candela riba nan landfill. Un problema cu Aruba tabata tin problema cune tambe, pues door di cooopera cu otro den Caribe nos por intercambia maneho, structura, sistema y ideanan pa atende cu problemanan cu nos tin en comun.
