ORANJESTAD (AAN): E proyecto di Agroforesteria ta sigui na Aruba, y Diasabra awor 9 di November for di 7:00 am te cu 1:00 pm,
ta spera di por haya boluntario pa yuda crea e siguiente hardin, cu lo bay ta den cura di Centro Ortopedagogico Aruba, cu ta situa den Pampunastraat na Dakota.
Esaki ta net dilanti otro banda di caminda di Centro di Bario y Deporte Dakota.
Un chens unico pa esnan cu kier mira Aruba bay dilanti, pa e bira un isla cu por produci su mesun cuminda, y pa tal motibo pa crea un hardin di berdura y fruta, cu por yuda hobennan mira e importancia di agricultura pa asina sigura cuminda riba mesa.
Pa bo yuda, bo tin di registra na e website aki:
Si bo ta agil den prepara tereno, planta mata, y haci e trabao di plama gordura y irigacion, lo bo por bay yuda esnan di Living Soil Aruba den e trabao aki di Diasabra mainta.
