Hopi biaha nos ta gusta hasi chansanan of bisa cosnan, sin pensa, manera:
ami nunca lo logra; ami ta un desastre; mi ta bay muri!. Wel nos tur a yega di bisa cosnan asina. “Been there, done that”.
Pero bo tabata sa cu ora bo bisa cosnan asina, ta hasi cu e chance cu bo tin pa bo no logra hopi grandi? Of loke bo ta hasi joke di dje, di berdad por pasa?
E Palabra di Dios ta siñami cu atravez di mi boca mi tin poder pa bendiciona y maldiciona. Esey ta hasi cu mi mester ta hopi cuidadoso cu loke mi ta bisa.
Pesey ami ta bisa mi mes tur ora: “Mi ta bay logra! Mi por!” Hasta cu mi amigonan, ora cu nan tin duda den nan mes, mi ta bisa nan:”bo por, bo por, of mi ta bisa nan: hey bo ta tremendo!.
For di dia cu mi a compronde cu den mi boca mi tin poder, mi a dicidi cu ta solamente bendicionnan lo sali for di mi boca.
Dus dicidi abo awe pa bo cuminsa cuida bo palabranan y zorg pa ta bendicion so ta sali di bo boca!.
