ORANJESTAD (AAN): Mediateca escolar ta duna servicio na scolnan. Meta principal ta pa yuda scol,
maestro y educadornan pa duna mucha acceso na buki pa nan por desaroya nan habilidad di lesamento como herment pa compronde texto y como pasatempo. Biblioteca ta percura pa tin un coleccion di buki na scol mes y tambe den klas.
Biblioteca ta fia buki di diferente nivel na scol y klas, for di kleuter te cu ciclo basico. E enfasis ta riba e herment pa sostene educacion y promove e placer di lesamento cerca e muchanan. Tambe nos ta yuda mantene e coleccion actualisa y den bon estado. Mediateca Escolar ta ofrece diferente tipo di coleccion:
(*) Wisselcollectie: 10 buki pa un luna.
(*) Projectcollectie: 15 buki tocante di un tema specifico.
(*) Klassenbibliotheek: 30-45 buki pa un periodo di 3 pa 6 luna.
Mediateca escolar ta mantene un bon cooperacion y comunicacion cu scolnan. Na 2023 a haci un inventarisacion bou 70 scol basico. Tin 31 cu a indica cu nan tin un biblioteca escolar activo. Tin 13 scol cu tin un biblioteca pero no ta activo awor aki. Tin 23 scol cu tin un coleccion di buki den klas. Tin 12 scol ta preparando pa habri un biblioteca. Tin 27 scol cu no tin biblioteca. Tin 7 scol cu no a participa na e inventarisacion preliminario aki. Total di scolnan cu no tin un biblioteca escolar ta 39. Scolnan cu kier haya sa mas por bay na e website:
Scol of docente cu ta busca sosten pa medio di un coleccion di buki por tuma contacto libremente cu Mediateca escolar. Biblioteca Nacional Aruba su seccion Mediateca Escolar ta na George Madurostraat 13 of pa mas informacion por email señora Valerie Figaroa na This email address is being protected from spambots. You need JavaScript enabled to view it.
