ORANJESTAD (AAN): Biblioteca Nacional ta invita comunidad pa e 'Artist Talk' di artista Velvet Zoe Ramos
diaranson dia 15 di juli 2026, 6:30 di atardi na Biblioteca Nacional Aruba, George Madurostrast 13, Oranjestad.
Velvet Zoe Ramos ta duna un splicacion riba e desaroyo di e exposicion, contexto y ideanan. Publico por haci pregunta y intercambia cu otro.
E exposicion individual di artista interdisciplinario Velvet Zoe Ramos ta habri te cu 31 di Juli 2026 den sala di exposicion na Biblioteca Nacional Aruba. Publico ta bon bini pa pasa wak e exposicion durante orario regular di biblioteca na Oranjestad.
‘Paralel’ ta parti di ‘Interlasado’ cu alabes ta un di e diferente practicanan artistico cu Ramos ta ehecuta den su arte por ehempel: performance, video art, ceramica di autor, printmaking, pintura, art di cuminda y filmmaking. Den e exposicion aki por mira diferente obranan realisa cu klei manera ceramicanan di autor, pintura y video projection.
