Errol de Freitas, presidente di SNBA:
*Tambe mester haci algo cu Santana di Cacho
ORANJESTAD (AAN)—E Presidente di San Nicolas Business Association (SNBA), Errol de Freitas, den entrevista cu DIARIO a comenta cu el a bay na e tereno di Santana di Cacho, no un pero dos biaha. E mes tabata tin dos animalito dera eynan di cual el a saca un.
De Freitas a comenta cu mester haci algo cu e lugar aki, hacie limpi, no necesariamente pa deseo di e hotel, pero si mira e parti di nos beach cu ta sobra, mester haci nan limpi.
El a acentua cu e beachnan di San Nicolas, Rodgers Beach y Baby Beach, no a haya chens di a wordo limpia manera a haci cu Eagle Beach y Palm Beach.
“Nos merece e oportunidad ey. Mi a papia cu DVG, cu no por a duna mi un contesta straight, mi a sinta cu DNM, anto e cosnan ey no ta importante pa nan. “Manera bo tin un clabo daña den lama, esey si ta importante, Errol de Freitas a comenta.
