ORANJESTAD (AAN): E barco nobo Zr.Ms. Den Helder ta regresando e parti di Caribe Hulandes.
E barco tabatey den e region anteriormente pa pruebanan den awa cayente. Despues di bishitanan interino na Norfolk y New York, e barco di suministro aki awor ta regresa Caribe.
E barco ta keda den e area mas largo pa por contribui na suministro si ta necesario. Departamento di Defensa ta evalua periodicamente si esaki ta apropia como medida di pre-prevision adicional relaciona cu desaroyonan actual. E tension den region di Caribe no ta representa un menaza directo pa e islanan ABC na e momentonan aki.
Zr. Ms. Den Helder ta den Caribe for di mey-mey di October pa pruebanan di tempo cayente. E humedad halto y temperaturanan basta halto di awa di laman ta provee condicionnan ideal pa test con e barco y su instalacionnan lo reacciona riba esaki.
Marina Real di Hulanda a cuminza haci uso di e barco Zr.Ms. Den Helder oficialmente riba 1 di October 2025.
