ORANJESTAD (AAN): Recientemente Banco di Caribe a yama bon bini na 4 stagiaires di Colegio E.P.I.
E studiantenan aki ta den nan tercer aña. Nan lo sera conoci cu mundo financiero den forma di un periodo di pratica na Banco di Caribe.
Julissa Bouwman (Commerciële Dienstverlening), Tanesha Gill (Financiële Administratie), Egor Wernet (Commerciële Dienstverlening) y Luis Croes (Financiële Administratie) ta pone nan conocemento den practica te cu dia 13 di october 2023. Durante e simannan aki nan lo pasa diferente departamento p’asina nan por experencia kico ta nifica pa traha na un banco.
Banco di Caribe ta encurasha tur otro empresa pa tambe duna un oportunidad na nos studiantenan pa por core stage cerca nan. Asina hunto, nos por duna nan un mihor preparacion pa e mercado laboral.
Riba e potret por mira director di Banco di Caribe, Sr. Elvin Maduro, director Bedrijfsvoering di Colegio E.P.I. Señora Ankie Danker, decano di Colegio E.P.I. Unit Economia Señora Juliette Hoftijzer, director di Banco di Caribe Sr. Giovanni Croes, HR di Banco di Caribe Señora Sharine Hart, Sr. Corporate Account Manager di Banco di Caribe Sr. Jorge Yarzagaray hunto cu Luis Croes, Tanesha Gill, Julissa Bouwman y Egor Wernet.
