ORANJESTAD (AAN): Banco Central di Aruba ta remarca cu ta importante pa e publico na tur momento pone atencion riba e elementonan di seguridad di e placanan di papel di Florin die sere 2019.
E elementonan di siguridad cu ta mas facil pa reconoce ta:
- E marca di awa di Shoco:
E marca di awa aki ta visibel banda dilanti y patras di e papel di Florin. Si tene e papel di Florin
contra luz, por busca e imagen die Shoco den diferente tono cu tin tambe den dje e logo di
CBA.
- E Prikichi cu su inkt eu ta cambia di color:
Riba tur placa di papel tin un representacion di un cabes di un Prikichi, Si bo move e papel, na e cabes di e Prikichi por mira un cambio di color di oro pa berde cu efecto di un ola. Esaki ta visibel banda dilanti di e papel.
- Registro transparente;
Si tene e papel contra luz, parti dilanti y patras di e papel di Florin por wak patronchinan di liña cu hunto ta forma e denominacion, por ehempel 10, 25, etc.
- Strepi 3D cu ta refleha movecion di rayonan di solo y strea:
Riba tur placa di papel tin mas abao un strepi cu elementonan tridimensional (3D). Si move e papel por mira e rayonan di solo move y e gota tridimensional cu ta hasi e streanan bao di dje mas grandi. Esaki ta visibel parti dilanti di e papel.
Si ta desea di haya foyetonan tocante e elementonan di siguridad di e placanan di papel, por busca nan na Banco Central di Aruba (BCA).
