Desde 1 di Juli 2025...
ORANJESTAD (AAN): Ya desde 1 di Juli 2025, Banco Central di Aruba (CBA) a mantene e tasa di reserva obligatorio pa banconan comercial na 12,5%. E decision aki riba e maneho monetario ta mantene e balansanan minimo cu banconan comercial local mester tene na CBA.
Puntonan principal: Aki e puntonan principal den e decision ta como lo siguiente: (*) Incertidumbre mundial economico. E incertidumbre mundial na e momentonan aki por impacta e reservanan di divisa y inflacion, cu por causa desviacionnan for di e proyeccionnan cu ta fungi como e punto di salida (“baseline”).
(*) Reservanan adecua apesar di crecemento den credito: Te cu april 2025, reservanan a sobrepasa substancialmente e normanan cu CBA ta mantene, apesar di un aumento den credito (+0,8%). Ademas CBA ta anticipa cu e reservanan di divisa lo crece y keda suficientemente adecua.
(*) Un inflacion abao: Na april 2025, e inflacion midi na final di luna contra e mesun luna di e aña anterior tabata 0,4%. Riba un promedio anual e inflacion a alcansa 1,3%.
(*) Likides excesivo eleva
Aunke likides excesivo di banconan comercial local a baha na mei 2025, e nivel ta keda eleva.
Banco Central di Aruba ta monitor indicadornan monetario y economico di cerca y lo ahusta su posicion di maneho monetario pa sostene e tasa fiho di e Florin na e dollar Mericano.
