NEW DELHI: Un baby di ocho luna mester a wordo opera cu urgencia, despues cu el a guli ekibocadamente un cortado di huña.
Esaki a socede na e distrito di Nashik, den e parti west di India.
E mucha muher chikito a guli e cortado di huña ora e tabata hungando. Ora su mayornan a ripara loke e criatura a haci, nan a gare y mesora a mobiliza pa Hospital den nan bario.
Despues di a tuma nota di loke a socede, docternan a core saca un potret X-Ray di e baby, pa nan mira exactamente unda e obheto a pega. Pa sorpresa di e mediconan y e famia, nan a mira cu e cortado di huña a keda pega den su garganta.
Nan a core forma un team di Docter, y pa 1 ora largo nan a haci e operacion.
Aworaki e mucha muher ta den condicion stabil, y ta recuperando di e operacion, aunke docternan ta bisa cu si e famia no a ripara loke a socede, y a tarda pa hibe na un Hospital, e consecuencianan lo por tabata fatal.
