ORANJESTAD (AAN): Director di AZV na Aruba, esta ing. Edwin Jacobs a confirma cu e hecho cu awor envez di manda pashentnan pa haya radioterapia na Colombia,
desde 2020 caba ta mandando pashent pa e unidad nobo di radioterapia cu Aruba tin instala awor na Centro ImSan.
Riba esey e director a papia den seccion di ‘Zorg Stroming’, esta e parti di servicio y cuido cu AZV ta “cumpra”.
Esey nifica, cu AZV ta paga Hospital di Aruba un solo suma (‘lumpsum’) pa cumpra e servicio di opname y verpleging na aseguradonan. Pues Hospital no ta cobra AZV apart pa cada tratamento, tampoco pa cada dia cu bo drumi den Hospital. AZV ta paga un solo suma na HOH Hospital, y cu esey ta ricibi un pakete.
Compara cu 2020, Hospital a ricibi un aumento den e contribucion di lumpsum na 2021. Na 2021, Hospital a haya 179 miyon Florin for di AZV. Y nan ta den reunion pa asina trata di haya transparencia pa tur loke nan ta ricibiendo bek pa e placa ey.
Pa colmo debi na limitacion di Intensive Care Units na Aruba, AZV mester a manda hopi pashent di Covid-19 pa Bucaramanga (Colombia) pa haya cuido den cuadro di Coronavirus.
Na 2021 na cierto momento tambe tabatin limitacion di cuido electivo na Hospital, pues no a permitico cirugianan cu no ta di urgencia, y esaki a crea diferente lista di espera pa varios tipo di cuido, y ainda AZV ta den discusion cu Hospital pa mira con por suavisa y reduci e lista ey.
