ORANJESTAD (AAN): Despues di 29 aña di e fayecimento di e cantante y productor musical Héctor Lavoe, awor na New York tin plan di bautiza un caya cu e nomber di e cantante.
E proposicion a wordo duna pa e promotor y presentador di musica latino Jesse Ramirez, kende a bisa cu “otro artistanan ya caba tin caya cu nan nomber na The Big Apple, y pesey awor ta ora tambe pa Lavoe haya uno di dje na e ciudad unda el a desaroya su carera y a bira conoci como integrante di e banda mitico Fania All Stars.
“E ta un berdadero icono di musica latino na New York y na mundo. Ningun hende mas cu Lavoe merece e reconocemento aki,” ta loke Ramirez a indica.
Cu edad di 16 aña, Héctor Lavoe a bandona Puerto Rico pa bay biba na New York, unda el a bira un di e exponentenan grandi di genero di salsa. Awendia e ta wordo corda pa su gran exitonan manera ‘Periodico de Ayer’, ‘Juanita Alimaña’, ‘Todo Tiene Su Final’, etc.
