ORANJESTAD (AAN): Awe Dialuna lo tin otro Rosario Bibo na kapel di Alto Vista. E Rosario lo cuminsa pa 7:30 pm, pues anochi bao di un luna yen.
Cada persona por presenta su intencion personal y hunto lo resa tambe pa otro intencionnan general manera salud pa tur enfermo, pa felicidad den cada hogar, pa tur hoben haya bon guia na cas y na scol, pa tur cu ta den un of otro necesidad pa nan haya pronto alivio sea spiritual of material.
Di otro banda nos por ta gradicido pa tur fabornan ricibi y purba conforma cu boluntad di Dios si tin biaha cos no ta bay manera nos ta desea.
Comision ta invita hoben y adulto pa asisti na e proximo Rosario Bibo, dialuna 20 di september na kapel di Alto Vista pa 7’or y mey di anochi.
