Awenochi lo cende luznan di Bestuurstkantoor y otro localidadnan cu e colornan di MBC

ORANJESTAD (AAN):  Den cuadro di concientisacion di Cancer di pecho cu a metastisa,

MBC Aruba a partner cu diferente compania y organisacion pa cende Aruba na luz di colornan di e cinta di MBC, esta roos, berde y teal. 

            Diabierna 13 di october ta e dia cu ta pone atencion y a dedica e dia aki na MBC, pa e motibo aki diabierna dia 13 di october 2023 pa 6.30 pm Minister President sra. Evelyn Wever Croes lo tene un rueda di prensa na unda lo cende Bestuurskantoor cu e colornan di MBC, simultaneamente lo cende luz na Rotonde di WEB, Gloria Aruba, Willem de III toren, Eagle Bowling Palace, Paseo Herencia Aruba y oficina di Turismo (ATA).

            MBC Aruba ta invita pueblo di Aruba pa core rond saca potret na tur localidad, load up bo potret cu #MBCAruba #stage4needsmore #lightupMBC y uni na e causa di trece concientisacion di e tipo di cancer aki. 

            Masha danki pa boso aporte pa yuda nos engrandece e causa aki.