ORANJESTAD (AAN): E ta un tradicion di hopi decada caba! Riba fecha 11/11 nifica e comienso oficial di Carnaval na Aruba,
y awe Dialuna 11 di November 2024 e ceremonia lo bay ta na Centro di Bario Noord, cuminzando pa 7:00 pm.
Di e forma aki lo bay lanza Carnaval 71 na un forma di celebracion y alegria. Lo bay tin musica en vivo di diferente grupo cu ta genera ambiente Carnavalesco. Awenochi tambe lo bay lanza oficialmente e website di SMAC cu ta bay trece publico mas cerca di Carnaval.
Lo tin musica di e.o. DJ Sky, Tsunami Aruba, Touch of Steel Aruba, Groove Masters, Massive Brassband International, y Shine Music Aruba.
DIARIO a compronde cu bo tin di cumpra ticket pa drenta e evento, y esey ta via di Pay.aw na un forma mas simpel.
Parada Grandi di Carnaval 71 lo cuminza pues cu Parada di Flambeu dia 11 di Januari 2025. Jouvert Morning Parade lo ta Diasabra 15 di Februari 2025 pa 3:00 am. Parada di Mucha di Playa lo ta Diadomingo 16 di Februari. Lighting Parade ta Diasabra 22 di Februari 2025. Parada di Mucha San Nicolas ta Diadomingo 23 di Februari 2025 pa 1:00 pm.
Parada Grandi di San Nicolas ta Diasabra 1 di Maart 2025 pa 11:00 am, y Parada Grandi di Playa lo bay ta Diadomingo 2 di Maart 2025 pa 11:00 am.
