Sharlyn Farro, Presidente di ODEA:
ORANJESTAD (AAN) – Den entrevista cu Sharlyn Farro, Presidente di e Organizacion di Enfermeronan di Aruba (ODEA), a menciona den entrevista cu DIARIO, ta kere cu e hobennan cu kier studia enfermeria, lo ta bon si nan por haya e oportunidad di traha como ayudante den e institutonan prome, por ehemplo den vacacion.
E Institutonan por bisa nan cu ta ok, cu si nan kier studia enfermeria nan ta habri y cu nan por bin traha como ayudante y laga nan cuminza haci esey, pa haya nan pa haci e opleiding y despues prepara nan den loke nan mester inverti den tempo di estudio, pa haal esaki. Nan mester inverti un of dos ora minimo pa studia, pa nan por logra.
“Pero, nos hobennan no ta studia so. Nan ta sali di scol bay traha. Nan tin cu traha pa sobrebibi. Tin di nan cu ta traha te 8’or pero otronan te 9’or of te 12’or. Ki ora nan yega nan cas pa por drumi bon? Pasobra ora bo studia bo tin cu drumi minimo ocho pa diez ora, pa bo por studia bon, pa bo lanta bek pa bay traha y si wak bon mayoria studiante ta traha”, Presidente di ODEA a señala.
