Awe tin Rosario Bibo na Kapel di Alto Vista
ORANJESTAD (AAN): Awe Diaranson, esta 7 di ecember, lo tin e ultimo Rosario Bibo pa e aña aki na kapel di Alto Vista.
Comision organizado ta invita hoben y adulto pa asisti na e Rosario Bibo cuminsando pa 7 or y mey di anochi.
Cada persona por presenta su intencion personal, sea na bos halto of den
silencio.
Tambe por presenta intencionnan general, manera pa nos casnan di famia, pa e hubentud haya bon guia na cas y na scol, pa tur enfermo, pa tur nos grandinan y pa amor y paz reina den tur hogar durante e dianan benidero.
Ban gradici Señor pa tur fabor ricibi durante 2022. Y si cos no a bay manera nos a desea, laga nos conforma cu temponan miho lo presenta den nos bida.
Na final di e Rosario Bibo lo tin un charla di pader Juancho Pilongo como reflexion pa aña 2022.
Un invitacion general pa asisti na ultimo Rosario Bibo na kapel di Alto Vista awe Diaranzon anochi.
