Comunidad di Aruba cordialmente invita:
ORANJESTAD (AAN) – Frank Tieleman, Comerciante den Caya Grandi, y colaborado di “Adopt an Addict”, a duna informacion na prensa tocante un evento grandi cu lo tuma lugar awe, Diasabra 30 di September, riba Plaza Habibe, unda lo organiza un “pop-up market”.
El a menciona cu e meta di full e mercado aki ta pa yuda recauda fondo pa un Fundacion cu ta “Stichting Adopt an Addict”, cu tambe ta bezig cu un campaña- fundraising 2023.
Señora Christina Fazari, propietario di “In Bloom Studio” cu ta sponsor e mercado aki, a duna di conoce cu ta bay tin diferente negoshi chikito, entre nan lugar cu ta bende paña y cosnan chikito, y diferente joya traha na man, servicionan spiritual y hopi mas.
Aldrick Henriquez, manager di Chubato Beer World a menciona cu e evento ta cuminza pa 4 or di atardi cu un DJ live, un show di magia, y lo cera cu un live band cu ta cuminza 8’or di anochi te cu 10.30 pa 11,or pm. Chubato lo ofrece su producto conoci, cushina lo ta bon surti. El a reitera cu diferente negoshi chikito lo participa den e evento.
Comunidad di Aruba ta keda cordialmente invita pa participa den e evento aki, y yuda na un bon causa.
