Inspector Francis Quandt, di DTI:
ORANJESTAD (AAN) – Francis Quadt, Inspector di Departamento di Inspeccion Tecnico (DTI), a splica den entrevista cu DIARIO, cu DTI y KPA, ta bay hiba un control stricto awe, Diasabra 10 di Januari, durante fakkel.
Mescos cu a sosode aña pasa, tur e vehiculonan cu gruponan ta uza, por ehemplo truck, pickup, UTV, entre otro, pa participa den fakkel, lo wordo inspecciona, e parti pafo ta bao di KPA y parti paden door di DTI, cu ta sostene polis.
Aña pasa nan a registra seguro di auto, Keuringsbewijs, y registracion y awe no ta un excepcion. Aña pasa varios di nan no tabata falta algun papel y otronan cu no tabata tin ningun at all, durante e parada.
E control lo ta riguroso, y DTI a reuni cu e stakeholders y SMAC, tocante e reglanan cu tin pa e gruponan.
DTI, e aña aki a habri un dia special cu tabata dia 6 di Januari unda nan a keur mayoria di e vehiculonan aki caba manera esnan di DOW, Infusion, Tsunami, y Nos Laga Bay.
Tur vehiculo di motor cu ta den parada, esta UTV, pickup, truck, autonan normal, box truck, truck di carga, nan tur mester cumpli cu e reglanan stipula. DTI ta haci un yamada na tur cu ta lastra un trailer pa e ta bon sigura, tin su cadenanan pa lastra e garoshi. Esaki ta parti di e seguridad cu ta cay bao di DTI, Inspector Quandt a duna di conoce.
