ORANJESTAD (AAN): Awe Diamars, esta 14 di September, e compania Apple Inc. lo bay duna un presentacion virtual
di nan productonan nobo pa e ultimo trimester di aña. E lo inclui e modelonan nobo di nan smartphone iPhone. Pa Aruba e lo cuminza pa 1:00 pm.
E compania cu sede na Cupertino, California lo mustra un presentacion pre-recorded eynan mes, unda nan lo mustra e versionnan nobo di nan iPhone, cu kizas por haya e nombernan di iPhone 13, tambe iPhone 13 Pro, y tambe iPhone 13 Pro Max.
Tambe ta spera cu lo presenta e version update di Apple Watch cu lo drenta asina su di siete generacion, y e posibilidad di anuncia headphone wireless AirPods 3, riba cual tabatin rumor ta core caba riba nan desde October di aña pasa.
E evento ta habri pa tur hende mira na Apple.com tambe.
