Trahado Social di DOZ Keyla Helder:
Den sala di J.F. Kennedy Educacion Center Aruba
ORANJESTAD (AAN) – Señora Keyla Helder, Trahado Social di Directie Ouderenzaken, den entrevista cu DIARIO a duna di conoce cu en conexion cu e Luna di Nutricion, nan lo enfoca riba adulto mayor y pesey, durante luna di maart, nan tin tres charla hopi importante, pa educa nos adultonan mayor tocante nutricion, salud mental, y movecion.
DIASABRA 8 di maart: tin un charla unda cu diferente nutricionista lo papia di envehecimento saludabel y tambe tocante importancia di salud mental y nutricion.
Keyla Helder a extende un invitacion na tur adulto mayor pa asisti na e diferente eventonan cu lo tin durante e Luna di maart aki.
E Charla di awe ta cuminza pa 10’or di mainta te cu merdia 12.30 pero e cupo ta limita y señora Helder ta pidi pa registra na su email: This email address is being protected from spambots. You need JavaScript enabled to view it.. E charla lo tuma lugar den J.F. Kennedy Educacion Centre Aruba.
DIABIERNA 14: Tambe un charla ta wordo duna cu un nutricionista, ademas lo papia riba diferente malesa cronico cu por wordo preveni, y con por haci esaki hunto cu nutricion. Esaki ta di 9’or pa 12’or di merdia, y e intencion ta pa wordo registra. E lo tuma lugar den e sala di J.F.Kennedy Educacion Center.
DIABIERNA 28: E evento aki ta hunto cu Fundacion Movimento ta Bida, tocante con por combina nutricion cu movimento y tambe ta den sala di J.F.Kennedy Center. E tema aki ta hopi importante tambe pa Adulto Mayor y pa Aruba ta conciente di esaki.
