ORANJESTAD (AAN): Recientemente e compania WEB Aruba NV a tuma nota cu algun medio di publicacion a cita un ciudadano su preocupacion pa cu calidad di awa di bebe di Aruba.
WEB Aruba kier enfatisa cu calidad di e awa di bebe cu WEB ta produci y transporta den su red di distribucion ta cumpli cu e standardnan internacional y esunnan stipula pa World Health Organization.
WEB su laboratorio mes, acredita cu ISO/IEC 17025, ta controla parametronan manera entre otro pH, conductividad y dureza. Aruba su awa di bebe tambe ta suheto na un proceso di revision mensual di parti di Laboratorio Nacional di Aruba (Landslaboratorium) na varios lugar strategico ariba e isla.
Por lesa tur informacion di calidad di awa na e website aki:
Ademas, e laboratorio mericano, U.S. National Testing Laboratories Ltd. tur aña ta haci un auditoria extensivo di WEB su sistema di produccion y distribucion di awa, door di test 159 parametro.
