Rubin Ponson ta revela:
ORANJESTAD (AAN): Robin Ponson, di DOW y representante di e Comision di Vuurwerk, experto den explosivo a duna di conoce durante e aña aki nan a keda haci diferente trabao pa loke ta atende cu permisonan cu for di cuminsamento di aña ta den pa pidi e clapchinan cu tin cu yega pa fin di aña.
Ta keda traha riba esey constantemente. Tin shownan di vuurwerk cu ta tuma lugar durante aña y aworaki fin di 2023 ta acercando y ta preparando pa e cantidad di containernan cu ta bay yega Aruba, a bisa.
Segun Ponson, na 2022 basta clapchi a resta y na comiendo di 2023 e resto aki a wordo entrega. Tin hopi clapchi cu a keda di aña pasa.
Locual por spera, si mira e permisonan cu a wordo pidi, ta un gran cantidad di clapchi cu ta bay wordo importa atrobe. Pero semper ta warda te ultimo ora pa bisa si berdad tur a yega y pa por sa cuanto clapchi por spera riba e isla.
E experto a agrega cu na Aruba tin 'free enterprise' y tur importado tin derecho di importa locual cu nan kier bende. Pesey no tin un restriccion pa cu esaki. Berdad tabata tin añanan cu tabata aconseha gobierno pa wak con por regula e importacion di clapchi, pero ta bira dificil pasobra cada importado ta desea di trece e cantidad cu e ta pensa cu e por bende y a lo largo esey ta bira un cantidad grandi, a declara.
