ORANJESTAD (AAN): Un di e weganan di mas popular di Lotto, keto bay ta Zodiac. Aki bo ta escoge un number di cuatro cifra, y agrega un signo zodiacal y ya bo ta cla.
Esey ta loke Atilus a haci, door di hunga su numbernan vast, y el a bira feliz pa mira cu el a gana. Pesey Dialuna el a acudi na oficina di Lotto na Playa pa reclama su premio.
Aki nan a revisa su ticket pa check si el a pone e firma riba dje, y posteriormente a scan e barcode. E computer mesora a confirma cu Atilus a gana 12.500 Florin cu wega di Zodiac.
Mesora a procesa pa transferi e premio electronicamente pa su cuenta di banco. Atilus a indica cu e ticket ganador el a cumpra na Wan Tu Lottery na San Nicolas.
