ORANJESTAD (AAN): E organisacion di ASA conoci pa su gran Futbol zomerkamp,
un biaha mas a trece un tremendo personaje den futbol pa nos hoben nan amante di e deporte aki, hunto cu coachnan local profesional,
Nan a yega di trece SPARTA, Deportivo Cali y e biaha aki a bin cu e tremendo Shaun Green di Soccer TV.
Shaun Green a papia hopi di motivacion y perseverancia pa por bay dilanti den mundo di futbol.
E ta conoci pa viaha rond mundo y a awor a toca Caribe. Aruba y ASA lo ta pronto riba YouTube channel mas grandi den futbol.
Aruba Soccer Academy hunto cu nan coach nan profesional semper ta inicia kamp den tur vakantie pa asina mantene nos hoben nan bezig cu deporte sano.
Pabien un biaha mas na tur e organizadornan y voluntario y na tur hoben cu a logra participa y ricibi nan certificado. Deporte ta importante pa nos muchanan.
