Un 7,9% di e grupo di edad entre 12 - 17 aña a haya nan prome dosis - ORANJESTAD (AAN): Den cuadro di e programa nacional di vacunacion contra COVID-19,
ta analisa cada segmento di e poblacion pa asina midi con nan ta vacunando, pa por yega na e meta desea di inmunidad colectivo.
Recientemente e grupo di 12 pa 17 aña a yega na beurt pa wordo vacuna y ya caba a logra un 7,9% di e grupo aki cu a haya nan prome dosis.
E grupo di 18 pa 59 aña a logra un 67.2% cu a haya nan vacuna, mientras cu e grupo di 60+ ta para na 73.1% di inmunidad.
Asina, tur cos ta indica cu incluyendo e grupo di mucha (12-17 aña) Aruba tin un inmunidad colectivo logra te cu awo di 64%.
Vacuna ta un acto di solidaridad y reponsabilidad conhunto. Niun por keda atras!
Vacunacion lo trece nos hunto atrobe!
