Bucuti & Tara Beach Resort ta domina den liderazgo di sostenibilidad
ORANJESTAD (AAN): E resortnan local di Bucuti & Tara Beach Resort a marca historia como e prome hotel na mundo cu dos puntuacion perfecto di 100% for di Green Globe, e certificacion lider pa sostenibilidad den turismo y biahe. E logro historico aki ta fortalece e posicion di e resort como un lider global den hospitalidad consciente pa medio ambiente. E programa di certificacion di Green Globe, conoci pa su standardnan riguroso, ta evalua mas di 380 indicadornan relaciona cu sostenibilidad ambiental, social y economico.
E puntuacionnan perfecto di Bucuti & Tara ta refleha su compromiso firme na turismo sostenibel, convertiendo den e prome hotel den historia di Green Globe pa logra e distincion aki dos biaha.
CEO di Green Globe, Birte Pelayo, a elogia e “logro sin igual” di Bucuti & Tara, destacando e liderazgo notabel di e resort den biahe carbon-neutral. “Bucuti & Tara Beach Resort ta sigui pone un standard global pa sostenibilidad, demonstrando con un negoshi di turismo por lidera cu accion directo riba desafionan climatico mientras ta involucra huespednan y e comunidad local,” Pelayo a bisa.
E prome puntuacion perfecto ta basa riba e logro historico di Bucuti & Tara na 2020, ora el a bira e prome hotel den historia pa haña un puntuacion perfecto di Green Globe. E audit mas reciente di Green Globe a resalta varios iniciativanan di sostenibilidad cu a contribui na su rendimento perfecto. E iniciativanan ta inclui:
Bucuti & Tara – GMC Nature Preserve: Na 2022, e resort, huntu cu Doño/CEO Ewald Biemans y su amiga Greta Marie Case, a regala Aruba un area di 32 acre/13 hectare di tereno den e curason di Noord, yama The Bucuti Tara - GMC Nature Preserve. E reserva ta wordo reforesta den colaboracion cu e organisacion Ban Lanta y Planta. Ecosistemanan fragil ya ta despertando, y ora cu e preserva ta completamente desaroya cu un aproximado di 15,000 mata indigena, e preserva, cu ta funciona como un carbon sink, lo absorbe aproximadamente 375 tonelada di emisionnan di CO2 anualmente pa e futuro generacionnan di Aruba. Studiantenan di universidad local ta colabora cu e resort pa identifica especie nativo di planta y midi e nivelnan absorba di carbon. E esfuersonan aki ta sigui uni personal, huespednan, miembro di comunidad y negoshinan cu ta refleha un orguyo grandi pa nan cas Aruba.
Stimami Sterilisami, a wordo funda door di Bucuti & Tara na 2016 como un solucion humanitario pa e problema di sobrepoblacion di mascotanan di Aruba. E programa ta enfoca riba subsidia e costo di procedura di sterilisacion pa doñonan di mascota y organisacionnan di rescate. Te awor, Stimami Sterilisami a sterilisa casi 40,000 mascotanan. Ademas, e fundacion ta sigui boga pa cuido responsabel di mascotanan y ta crea consientisacion bou di e comunidad.
Limpiesanan mensual di lama: Un tradicion di mas di 32 aña na Bucuti & Tara, e limpiesa di lama ta cu ta tuma lugar cada luna ta regularmente elimina mas di 1,000 liber/454 kg di sushi anualmente, envolviendo personal y huespednan. Local y organisacionnan di e isla tambe ta wordo invita pa uni na esfuersonan.
Arte Local den renobacion: E transformacion reciente di Tara Lounge, casualmente sofistica di Bucuti & Tara, a incorpora mueblenan personalisa, sostenibel y trabounan di artisana local cu celebracion cultural.
Doño/CEO Ewald Biemans a expresa su orguyo pa e logro di e resort, bisando: “Ricibiendo un di dos score perfecto di Green Globe ta alimenta nos mision continuo pa proteha e beyesa natural di Aruba y comparti esaki cu nos huespednan, personal y comunidad.”
E dedicacion di Bucuti & Tara na sostenibilidad y bienestar ta asegurando cu cada estadia ta laga un impacto positivo riba e medio ambiente y futuro di Aruba.