Despues di e drama financiero di 1.6 Miyon y drama di Citgo
*Un analisis di e palabra dificil y tan abusa “Infrastructura”
*Kico ta e necesidadnan basico pa progreso di un pais?
ORANJESTAD (AAN) — Uno di e hermentnan mas usa den manipulacion di Pueblo, ta uso di palabra grandi y importante.
Tur hende ta comprende kico ta nifica “crea un base pa futuro” of un”fundeshi pa e pais”.
Infrastructura ta nifica hustamente esey.
Infrastructura ta e palabra cu a wordo usa ora Parlamento di pasado, a entrega na Mike Eman y Benny Sevinger un fondo di 1.6 Biyon sin control, pa nan bay busca voto cu proyectonan, cu awe a bira debe.
Pakico e fondo “Bo Aruba”a faya? El a wordo yama un fondo pa infrastrucura pero un infrastructura, un base cu lo a haci cu Aruba ta cana riba su mannan cu pia na laira.
Awe porfin ta mira con ta crea un infrastrucura pa un pais, na momento cu Aruba y Hulanda a yega na un acuerdo pa crea e base pa henter Aruba por confronta futuro dor di atende cu e exigencianan basico di futuro cu ta energia y clima, cu ta dos palabra mara na otro.
Loke a wordo acorda entre Hulanda y Aruba, ta cu ta crea e facilidadnan y sistemanan necesario pa asina e pais crea e servicionan y facilidadnan necesario pa su economia, pa su casnan di famia y su companianan por funciona.
Aki no ta trata di un brug pa crusa di un punta pa otro, ni careteranan pa trafico pega hasta oro solo ta kima.
E acuerdo entre Aruba y Hulanda ta crea un brug entre e pakete di preocupacion y accion actual y pakete cu mester wordo realisa den futuro cu lo ta diferente for di e sistuacion actual.
DIARIO a prepara Aruba pa e mundo nobo cu ta bira realidad pa un simpel motibo.
Na Siglo 20, jet a cuminsa subi na aeropuerto y botonan a cuminsa crusa oceanonan a base di uso di combustibel cu a destrui naturalesa.
E filanan largo riba e carteranan cu Aruba a usa tanto placa pa construi, ta enemigo di bienestar, salud y futuro di Pueblo di Aruba pa e huma di gasolin cu ta yena aire.
Na Siglo 20, petroleo a crea refineria cu a duna hende trabou pero na mes momento a produci tambe enfermedadnan di pulmon y a destrui naturalesa.
Na Siglo 20, pa hende por sigui biba, mester di otro tipo di combustibel pa un pais y mundo por funciona, sin afecta salud di hende y destruccion di planeta Tera.
Mester deshaci di ïnfrastructura basa riba petroleo”cu refineria di petroleo, barconan, avion, transportacion na tera, cu ta uza petroleo y carbon na prome lugar.
Pa por confronta clima, mester cambia e combustibel cu ta permiti comunidad funciona y haya entrada y entrega na economia un base nobo.
Mester di placa y fondo pa haci esaki.
Placa cu ta na discusion pa loke ta trata e debe nacional. Pero awor mucho mas cu un tram y fontein ta na wega.
Awor no ta trata di adorno pa e pais y aplauso pa e gobernante cu a destrui e pais na un forma falso, pero na yega na un plan total pa economia di Aruba por funciona cu combustibel limpi.
Ora economia funciona, tin placa pa mucha bay school cu ta wordo construi segun modelonan di antes prome cu airconditioning a cuminsa afecta condicionnan di tempo na Aruba.
A base di e funcionamento nobo di economia, hende ta haya trabou na sistemanan cu no ta aporta na progreso pero na prome lugar na hende capaz pa gosa di progreso pasobra e no ta wordo afecta pa malesa cu cambio di clima ta destrui ni desastre natural manera horcan cruel, laman cu ta subi tera, partinan di Aruba completamente destrui.
Awe Gobierno Wever-Croes a logra un plan cu ta atende cu infrastructura basa riba e felcidad y bienestar di un comunidad, cu lamentablemente no tin e fondo di 1.6 Biyon loke ta haci cu Hulanda mester coopera pa haya placa pa e plannan pa un futuro prometedor.
Realmente na e momentonan aki, henter mundo ta tene man pasobra ta solamente den union, mundo lo conoce e futuro nobo den cual hende ta feliz.
Gobierno Wever-Croes a score cu e congreso internacional pa futuro di energia y clima na islanan chikito, cu sin atencion y medida debido, por stop di existi!
E acuerdo entre Aruba y Hulanda a bira e brug responsabel a futuro; e caretera pa hende feliz cu no ta pega den fila di mal maneho politico; e pais cu lo wordo renoba.
Di e forma aki orguyosamente Gobierno Wever-Croes por entrega na Pueblo un pais nobo cu por enfrenta futuro y peligernan y cu por wordo considera e “Bo Aruba”di e Arubiano.
