ORANJESTAD (AAN): Numbernan masha poco biaha ta laga lugar pa mal interpretacion, pero esnan cu a sali siman pasa a demostra cu Aruba
a traha duro den ultimo lunanan di campaña di vacunamento contra Covid-19, pa asina mira con e isla aki awor ta den top hunto cu demas paisnan grandi.
Tabata dia 17 di Februari 2021 cu Aruba a cuminza vacuna ciudadanonan contra Covid-19.
PROME DOSIS: Segun e conteo aki, te cu Diabierna 4 di Juni 2021, Aruba ta riba un bon puesto pa esnan cu ya a ricibi e prome dosis.
Na cabez tin pais Malta (73,4%), sigui pa Israel (63%), Aruba (59,9%), Canada (59.7%), Reino Uni (58,8%), Bahrain (57,6%), Mongolia (56,9%), Uruguay (54,7%), Islandia (54,%), Qatar (52,4%), y Curaçao (52,1%).
FULL VACUNA: Encuanto comunidadnan cu ya ta full inmuniza cu tur dos dosis di vacuna, por mira cu eynan tambe Aruba ta briyando riba nivel mundial.
Na cabez tin pais Gibraltar (114,63%), Israel (59,3%), Malta (50,1%), Aruba (48,4%), Bahrain (47,3%), Chile (42,6%), Curaçao (42,5%), Mongolia (41,8%), Merca (40,7%), Reino Uni (38,9%), Hungria (38,6%), Qatar (38,3%), Maldives (31,5%), Serbia (30,8%), y Uruguay (30%).
E promedio na Europa ta cu 19,3%, pues Aruba ta casi 30 punto riba esey.
Encuanto e cantidad di dosis suministra na cada 100 habitante, e cifra ta mustra cu Reino Uni ta na 96,7 y Merca ta na 88,8.
