Aruba ta den lista di Top 10 destinacion turistico pa Thanksgiving

ORANJESTAD (AAN): E servicio meteorologico di AccuWeather cu ta duna informacion di tempo na tanto corantnan, TV, y tambe publico en general, a publica Diahuebs e lista di e Top 10 destinacion turistico internacional pa Thankgiving.

   Manera ta conoci, Thanksgiving ta Diahuebs 24 di November venidero.  Y hopi hende lo ta viahando y e calculo ta cu e lo bay ta hopi, casi yegando nivelnan pre-pandemico.

   For di Merca, ta hopi viahero ta buscando lugarnan mas tropical, cu tempo mas cayente pa asina pasa dianan di Thanksgiving.  Esey ta segun un analisis haci pa American Automobile Association (AAA) na Merca a indica.

   Destinacionnan pa Caribe y Mexico ta hopi den demanda awor, segun American Society of Travel Advisors (ASTA) a indica, y nan a nota cu hopi di e viahenan aki a wordo reserva di varios luna adelanta.

   Destinacionnan: E lista pa e top 10 lugarnan internacional cu lo bay haya hopi viahero pa Thanksgiving ta:

1. Cancun, Mexico.
2. Montego Bay, Jamaica.
3. Aruba.
4. Los Cabos, Mexico.
5. Nassau, Bahamas.
6. St. Lucia.
7. Dublin, Ireland.
8. Tel Aviv, Israel.
9. Calgary, Canada.
10. Paris, Francia.

    Domestico: Mientras tanto e ciudadnan domestico na Merca, unda mayoria viahero ta rumbo pa pasa dianan di Thanksgiving ta como lo siguiente:

1. Orlando, Florida.
2. Anaheim, California.
3. New York City.
4. Dallas, Texas.
5. Phoenix, Arizona.
6. Honolulu, Hawaii.
7. Kahului, Hawaii.
8. Atlanta, Georgia.
9. Tampa, Florida.
10. Ft. Lauderdale, Florida.