Segun Monica Kock di KvK:
ORANJESTAD (AAN): Tin un investigacion cu ta mustra cu turistanan ta keha cu na Aruba nan ta paga hopi placa, pero nan no ta haya e balor pa loke nan ta paga p'e, asina Presidente di Camara di Comercio di Aruba, Monica Kock a duna di conoce.
El a agrega cu si e turista ta bay pensa cu e ta pagando di mas pa loke e ta haya bek, e ora e turista ta bay keda cas.
A bisa cu e aña aki e sa cu ta bayendo basta bon. Aruba a recupera tremendamente, pero tin cu bay wak si nos turista ta cambiando y den tur e tendencianan y indicacionnan cu ta mira ta cu tin hopi cambio den e turista.
Kock a agrega cu e turistanan cu ta ripiti nan bishita a cuminsa bira hende grandi y nan ta cuminsa bishita Aruba menos. Nan lo kier bin, pero nan ta den rolstul, etc.
Monica Kock ta kere cu e 'win-win business' no ta mescos mas. Aruba mester adapta den e parti ey y tene cuenta cu e turista tambe ta cambiando. "Si nos ta keda hisa prijs, prijs, prijs, nos tin chens di out market nos mes".
A agrega cu e sa cu Oficina di Turismo ta hopi consciente di esaki y AHATA tambe. Tur dos a menciona e preocupacion riba e situacion aki pasobra di turista Aruba ta biba y si nan dicidi di no bin, nos a wak e consecuencia caba, y Aruba no por wanta esey. "Esey nos sa di awor caba", a agrega.
