Herencia mundial di Siglo 20 a topa cu retonan di cambio
- Como pais relativamente hoben Aruba a enfrenta reto enorme
- Cinco aña despues di entrada Covid-19 Aruba ta ehempel mundial
ORANJESTAD(AAN) “Siglo 20 a cera cu un mundo, cu un pakete sumamente pisa pa futuro. Ta como un pais sumamente hoben, Aruba e saluda Siglo 21 y mester a duna prueba na mundo cu e por carga e responsabilidad pa cual el a scoge cu e pakete di Status Aparte. Na caminda pa 2025, Aruba ta modelo pa mundo pa e forma cu el a logra duna contenido na e autonomia, cu a bira modelo den e era di decolonisacion sigur despues di Segunda Guera Mundial.”
Na caminda pa entrada di 2025, DIARIO manera ta costumber na inicio di October, ta cuminsa presenta informacionnan di loke ta importante na ciere di un aña y inicio di un aña nobo.
Na 2020, mundo a conoce e suspenso di Covid-19, cu a kita bista for di a pakete pisa cu cual henter mundo y asina tambe Aruba, a drenta Siglo 21 cu mester a duna contenido na cambionan enorme cu a wordo prepara pa mundo durante Siglo 20.
Cu expertonan DIARIO ta atende cu e desaroyonan cu a presenta ora mundo caso 25 aña pasa, a drenta Siglo 21.
Durante Siglo 20, dos guera mundial, inventonan importante, industrialisacion, nacemento di ramonan nobo di economia manera turismo, a cambia realidad mundial na forma drastico.
Cu adelanto tecnico enorme, mundo a cuminsa crea retonan nobo pa su mes. Hende mester a adapta su mes na e mundo, cu a exigi hunto cu cambio, inversionnan enorme riba tur tereno.
Aruba durante Siglo 20, a realiza su anhelo pa Status Aparte y a bira pais den Reino, 14 aña prome cu entrada pa Siglo 20, cu a habri cu e Gran Recesion cu a exigi na 2007 pa tuma medidanan financiero.
E Fondo Monetario Internacional ta considera e periodo 2007 pa 2009, como e problema economico mas grandi for di Great Depression cu a habri porta pa Guera Mundial.
Medidanan importante di gobernacion mester a wordo tuma na Aruba den e temporada aki tambe, debi na e cambionan riba tereno petrolero.
Na final di e prome decada di 2009, un areglo cu Valero tabata sumamente importante pa Aruba, cu tabata den gara di cambio di Gobierno Mike Eman, cu hastamente ora e situacion financiero mundial tabata exigi actitud cauteloso, a dicidi di deshaci di mitar BBO sin reemplaza e fayo di otro entradanan na belasting, cu a wordo reduci.
Ta den un situacion financiero sumamente peligroso, Gobierno Mike Eman a busca Citgo, pero na momento cu Aruba ainda mester a termina su relacion real cu Valero.
Manera expertonan a trece dilanti, ta un milager cu Aruba a logra recupera di loke a keda atras na 2017, ora eleccion a trece cambio pa e pais, cu a conoce un maneho di austeridad prome cu Covid-19 a bati na porta.
Na 2024 ta recorda cu ta cu na 2019 mundo a wordo sorprendi pa Covid-19 cu a deshaci di tur plan di recuperacion di Aruba, cu , sinembargo a sigui cana dilanti pa awe bira un modelo financiero sigur pa paisnan chikito den e situacion mundial.
2025 lo no anuncia un periodo facil pa mundo, cu mester ta prepara pa un maneho sumamente cauteloso.
Pa Aruba entrada di 2025 lo nifica, cu Aruba lo entrega prueba con el a logra di enfrenta e riesgonan di e prome 25 aña di Siglo 21, cu awe ta exigi no solamente un base economico fuerte pero tambe posicionnan financiero pa por enfrenta retonan grandi manera presenta pa naturaleza.
Expertonan hunto cu DIARIO lo bay guia Aruba tambe riba e situacion cu mester spera a 2025 cu lo cera e prome periodo di 25 aña di Siglo 21.
