Por haya entre 75 mm te cu 127 mm di awacero
ORANJESTAD (AAN): Gobierno a pone Aruba riba Codigo Oranje, y for di Diamars caba, por a mira varios instancia cu crew banda di caminda haciendo ultimo preparacion.
Publico na cantidad a acudi na gasoline station y supermarket pa busca boter di awa y bateria. Gobierno a cuminza reuni den Team di Crisis, pero ta necesario pa comunidad tambe ta bon prepara. Decision cu a ser tuma ta cu Diaranson pa 12:00 pm, tur Ambtenaar ta wordo manda cas.
Diahuebs ni Diabierna lo no tin scol. DOW a percura di luna di Mei caba pa casi tur rooi rond di e isla ta limpi, incluyendo riolering. Pueblo por percura pa check cu no tin ningun obheto los den bo cura di cas, incluyendo fruta di coco colga na mata, como cu nan por converti nan mes den ‘proyectil’ door di biento.
Den DIARIO awe tin diferente informe di e desaroyo di e mal tempo na caminda, incluyendo e hecho cu 5:00 pm, a emiti un Tropical Storm Warning pa Aruba.
