ORANJESTAD (AAN); Riba Diahuebs 14 di October 2021, un dia historico pa Aruba ora cu den Stadhuis den Wilhelminastraat na Playa, a tuma lugar e prome matrimonio di mesun sexo pa civil.
Jennifer y Jessica a drenta e sala di casamento, pa asina hunto cu testigonan, a declara “si” na otro dilanti e Oficial di Registro Civil. Cu e declaracion ey nan a cuminza nan bida como pareha casa.
DIARIO a compronde cu Jennifer y Jessica mes ta contento di por comparti nan amor cu Aruba. Nan mensahe ta: ‘Celebra amor pero mas importante sea bo mes.’
