ORANJESTAD (AAN): Un fenomenal noticia a drenta Dialuna, cu e delegacion di Aruba cu ta participando den bowling na Weganan Suramericano di ODESUR, a logra haya medaya di oro.
E noticia procedente di Asuncion na Paraguay, ta indica cu medaya di oro den e deporte di Bowling pa Dobel Femenino, a bay pa e team di Aruba forma pa Kamilah Dammers y Abigail Dammers.
Sigur un palabra di pabien ta bay na Kabilah y Abigail, y aki por mira nan cu nan coach, esta Chris Dammers. Aruba ta orguyoso di boso.
