ORANJESTAD (AAN): El a cumpra su numbernan di suerte, y a aplica e betnan necesario pa asina ta den wega.
Mas cu claro, Argenis a bira felis ora el a nota cu su numbernan a sali.
Pesey cu un sonrisa el a acudi na oficina di Lotto na Playa pa reclama su premio. Aki e funcionarionan a revisa su ticket pa check si el a pone su firma na e parti patras di e ticket hunto cu su numbernan di banco. Ora di scan e ticket, e computer a confirma cu Argenis a gana 75.000 Florin cu wega di Zodiac.
Asina a sigui cu e proceso pa transferi e premio electronicamente pa su cuenta di banco. Argenis a cumpra e ticket ganador na Get Rich Caya E. Petronia.
